Atur Pasrah Pinanganten Kakung
Assalamu’alaikum.wr.wb
Kasugengan saha sih nugrahaning Gusti ingkang akarya loka
mugi kajiwa lan kasarira wonten panjenengan lan sedaya, Amin.
Panjenenganipun Bapak Samino sekaliyan garwa ingkang
kinurmatan. Para hadhirin tamu undhangan ingkang kawula mulyaaken. Keparenga
kula minangka talanging basa panjenenganipun Bapak H. Amin Rahardjo sekaliyan
garwa, ngabiyantara (tepa ngapurancak) sowan wonten ngarsa panjenengan humiring
putra temanten kakung mas Kukuh Widayanto dene wigatosing perlu nuninggih
mekaten:
Sepisan hangaturakan salam taklimipun panjenengan Bapak H.
Amin Rahardjo sekaliyan katur panjenenganipun Bapak Samino sekaliyan garwa
dalasan sedaya kaluwangsa.
Kaping kalihipun kinen hangaturaken sekar cempaka saksele nuninggih
penganten kakung mas Kukuh Widayanto mugi
katampi kanthi renaming penggalih kanthi panyuwunan inggal kadhaupaken
kalayan atmaja putrinipun bapak Semin ingkang nama Yesi Gusnia miturut adat
widi widana ingkang lumampah wonten ing tlatah mriki. Kula sapengombyong namung
jumurung mugi tumapaking titi laksana rancag lancar tan manggih rubeda sinartan
puji donga, mugi Gusti Allah ingkang Maha Agung tansah paring nugraha
jejodhohan pinangaten kekalih.
Mekaten pepuntaning atur, apuranta menawi lepat nyuwun
pangapura. Menawi wonten kladhuking atur nyuwun agunging pangaksami.
Wassalamu’alaikum.wr.wb
Tidak ada komentar:
Posting Komentar